Ӄайлём, чининкин гымнин, мэйӈыинэнгыюлэвычг’ын ченэнелэн, ӄонпыӈ йитики!Гыччи янг’ав’анявэн нымэлӄинэйги инангйипычг’ын... (Астахова Т.А)
Ынанмайнычг’ын пыттоӈгыйӈын ваятэн -йилыйил, ининэтэ кокалэчеллаӈ, ков’аняваллаӈ то кочаткаёӈлаӈ. Ыно ымоӈ ёнатгыйӈын г’уемтэв’илг’ычгин ӄогалаӈ елыӈӄо. Ымоӈ чаткаёӈгыйӈо котоӈвалаӈ йилык.
Чининкин йилыйил, йилыйил ыныкэтонотакэн, еӄэ ков’аняваллаӈ ыпполёӈӄо, ӈаен йилыйил ыммэнын, нэкуйылӈын ӄолэнваятыӈ айӈоныӈӄо мойкайтыӈ, титэ мыткотывыӈын виткукин в’аняв’, титэ нэкунгыюлэв’ӈынэв’ кмиӈу.
Янот-ӄок в’аняватык ченэнкэчг’энаӈ. Г’оямтав’элг’ыӈ чининкин йилыйил-ӈаен, еӄэ ков’аняватыӈ ынин ӄалалв’ын, алкылгыйӈын. Йилыйил кув’иннетыӈ еёлык ваят. Елыӈӄо кумэйӈэтыӈ г’уемтэв’илг’ын, куйгулэньӈынин ымоӈ йынны котваӈ камлэлыӈ то йылгыйӈын культурэн пэнинэлг’э ыныкнутэкин.
Яйгочав’ӈыяк урок ченэнелэн кув’иннетыӈ амкумг’у ынно лыӈык, контоӈвав’ӈынэн аӈэнмыгэтагыйӈын ынкыӈ то мэтг’аӈ гитэк, г’ам ынкаӈӄо культураӈ, традицияӈ ыныкватэн, янг’ав’ еёлык йыллыг’у тойваятыӈ имы-ею.
Яйгочав’ӈыпрограммак Чининкинэтэ йилэ кунмэйӈэв’ӈынин чининкин, социальный то культуран омакаӈ этгыйӈын кмиӈин. Явак чининкин йилыйил в’аняватык кув’иннетыӈ кмэӈыӈ йымэйӈэвык ӄыччаткаёӈгыйӈын то ченэнйытоӈвав’гыйӈын то мэтытвэгыйӈын каличитык.
Мую янот мынг’ыв’аняваллайкэ ченэнелычг’энаӈ! Чининкин йилыйил ев’иинетыӈ в’аняватык гэйӄынпычгэ, мэкив’ нэлэйтикнэв’ ӄолэнъела.
Эчги, ынанэччычг’ын кмэӈыӈ китыӈ чининкин йилыйил. Яйгочав’ӈыяк нэкуйылӈын предмето, мыкъян кмэӈыӈ ыннин китыӈ ямкылг’ыело то ӄонволаӈ витку митытвик.
В’аняватык ченэнкэчг’энаӈ, лиги лыӈык культуран то чининкинэв’ имы-ею янот кэллаӈ ынанмайӈычг’о г’оямтав’элг’ыӈ. Урокав’ ченэнелэн, г’аӈг’алгыйӈын предметаӈ, гыматгыйӈын омакаӈ кэллаӈ вэтатык мэтгыйӈык инэнгыюлэвычг’ин. Йытг’атвылӈыгыйӈын инэнгыюлэвычг’ин то ейгучев’ӈылг’ин китыӈ урокак. Ӈэвэӄмыччантымӈэв’лаӈын мучгин в’аняв’, мычантымӈэв’ӈын культуран, обычаяв’ ваятэн. Яйгочав’ӈыяк накунмитытваньӈынав’ литературный чининкин йилыйил. И, котвалаӈ диалектав’, г’ам литературный-ӈаен тэнмытэн в’аняватгыйӈэн, еёлгыйӈэн. Яйгочав’ӈылг’ыӈ уроко ченэнелэн янот ныг’иннэв’- уроко янг’ав’ этгыйӈэн, энаейгыйӈэн, мачгыйӈо увикив’ энанв’аняватык омакаӈ ӄолэннымнымык то районак.
Амкумг’у лыӈык чиникин йилыйил мойкыӈ ков’эннялаӈ инэнгыюлжвычг’у ченэнелэн. Мыев’ мучгин ныппулюӄин Этонотан Корякиян коӈвоӈ энангыёлавычг’ыӈӄо: ыныкв’анява наког’айӈав’ламык майӈыявакйыг’этэтыӈ, лывык нутэв’, аӈӄав’; йыгулэтык обычаяв’, традицияв’ пэнинэлг’ин, чаӈычг’у лыӈык нутэнут то амкумг’у ынно лыӈык. Еӄин валг’ын ныг’итики инэнгыюлэвычг’ын ченэеелэн? Ыньӈыг’ан валг’ын, еӄин валг’о мучгинэв’ инэнгыюлэвычг’у-амъяӈъя овэкэчг’энаӈ нымитӄинэв’, ныйиӈтыӄинэв’.
"Энанэчгыльг’авык ӄонпыӈ то ымы-миӈкы!" инэнгыюлэвычг’ын чав’чываелэн Эчг’эйкин яйгочав’ӈыякэн Сафонова Л.М. игыньӈнив’анява городык Черкесскак, 2023 гэвэгыйӈык итти ЫмРоссиякэн лывычетгыйӈык "Ынанмальчыг’ын инэнгыюлэвычг’ын ченэнелэн то литературэн". Йылма мэтгыйӈын краевой, ымваятэн конференцияк, энма курсак инэнгыюлэвычг’ин, семинарак, конкурсак, Лидия Михайловна эвыӈ: "Энангыёлавычг’эн ченэнелэн китыӈ нымэйыӈӄин то ниччыӄин яёг’ыӈгыйӈын - йымитытватык кмиӈу лиги то г’эӈг’элу пэнинэлг’ын в’аняв’, еёлык мэтг’апэягыйӈын ыпполеЭтонотан. Ынпычг’у, микыйык гэйгулэлин мучгин йилыйил котколаӈ, то гыммо тыкоеёлык, янот инг’э экммитык ыйкаӈӄо, йыгулэтык обычаяв’ то культуран. Тыкивыӈ, ӈэвэӄ амкумг’у мыччалӈылаӈын йилыйил, амкумг’у мыччалӈылаӈын культуран то ваят".
"Мыткомайӈаллаӈ то мыткомэтытвэллаӈ омакаӈ!" инэнгыюлэвычг’ын чав’чываелэн Ӄайыльг’инныкин яйгочав’ӈыякэн Нюрчани Е.И. игыньӈнив’анява городык Казань, лыгэчейпыйыг’элгык в’утингивик итти ЫмРоссиякэн лывычетгыйӈык "Ынанмальчыг’ын инэнгыюлэвычг’ын ченэнелэн то литературэн". Евгения Ивановна иви: "Лыгинэнгыюлэвычг’ын ченэнелэн ӈаен, мэки нымитӄин тэкъетык гычголаӈӄо ченэнэнайголатгыйӈыӈӄо кытаван амэтытвэгыйӈэтыӈ ейгучев’ӈылг’ычгэн то ӈанӄо омакаӈ ыйык гымлэ тыпгэтык. Тыкогайматыӈ гыммо вэтатык яйгочав’ӈыяк. ӄонпыӈ омакаӈ ыйык тыкоятваӈ, ымоӈ кмиӈу ынанэчгычг’о то г’ояӈ валг’о, ычгин нэчгыӄэнав’ ӄалалв’ыно, нымэлӄин гэтагыйӈын точчыголатгыйӈыӈ. Кмиӈу ынанмальчыг’о планетак Нучельӄын".
Ительменский йилыйилЫмРоссиякэн лывычетгыйӈык "Ынанмальчыг’ын инэнгыюлэвычг’ын ченэнелэн то литературэн" 2022 гэвэгыйӈык Железноводсткак йыг’уевэннин инэнгыюлэвычг’э Заеванак Т. К. Ыньӈыг’ан ынно иви: "
"Тк׳энэзэскичэн, анэчпа׳ӆкиӆӽ кәмман атнумк ты׳н љви хэкасӄ. Кнынк сэмтэла׳н әлчкозэ׳н, әлчкозэ׳н кәмма׳н урока׳н, к׳энэзэн, кәзза ктлаӽ разной проблема׳н эк ситуация׳н. Хиӄ ттэӆкичэн: кәмма т׳ансэ׳скичэн њэњэкэ׳њч итәнмән׳ин крвэӆхатасанкэ ты׳нну ӄӆӽлэнк, т׳ансэ׳скичэн лфталакаӄ культура эк традиция׳н, схлэ ӆӄзахэн соњлкаӄ мизвин ч׳амзанлал азоск. Ушинский К.Д. кхэнэкнэн, крвэӆхатас- ты׳н ныта ч׳амзанлалк, крвэӆхатас к׳изыкнэн, ч׳амзанлал эзэзэн лэм".
Г’ам мочгынан ымоӈ инэнгыюлэвычг’у чав’чывачг’энаӈ, ительменелычг’энаӈ, ӄоямкычг’энаӈ, чукотскойелычг’энаӈ мыткив’ӈынэв’: " Тучгин майӈыангыт, тую ков’эннялаӈтык кмэӈыӈ амкумг’у лыӈык чининкинэв’ йилу!
Ӄайлём, тойкыӈ энайголатгыйӈыкъет,
Ею койыллаӈыткы,
Мыев’ гайӄытгымата
конгыёлав’лаӈыткы урокак,
Митыкйит то олвылг’атгыйӈыкъет,
Маннуӈатыкъет то г’аӈг’алгыйӈыкъет!
Тит аӈӄамич энанэнаёг’ав’ӈыгыйӈын
Ныеннин тойыквэтата!
Ганчоччымав’лэн В’ачаӈанак
Сохраняя язык вместе с учителями!
Спасибо, родной мой, великий учитель,
учитель родного навек языка!
Ты истины слова надёжный хранитель...
Астахова Т.А.
Самая большая ценность народа - язык, на котором он пишет, говорит и думает. Вся сознательная жизнь людей проходит через родной для них язык.
Родной язык - это язык матери, он передается от человека к человеку сквозь века с первыми словами, с воспитанием. Он помогает понять чувства и характер народа. С помощью языка происходит формирование человека, его познание окружающей среды и культурного наследия своего региона.
В школах предмет родной язык помогает сохранить его, формирует познавательный интерес и уважительное отношение к родному языку, а через него – к родной культуре, к свершениям и традициям своего народа, осознание исторической преемственности поколений, своей ответственности за сохранение культуры.
Мы должны говорить на родном языке!
Одним из самых трудных школьных предметов сегодня является «родной язык». В школах онизучается как отдельный предмет, адля многих учащихся он стал почтикак иностранный, изучение происходит с «нуля».
И, безусловно, любовь к предмету, интерес к его изучению неразрывно связаны с профессиональным мастерством учителя, его увлечённостью, его старанием.
Поэтому сегодня, в День учителя, мы с особым теплом и благодарностью вспоминаем наших уважаемых учителей.
Учитель корякского языка Ачайваямской средней школы ЛидияСафонова. Она принимала участие во Всероссийском профессиональном конкурсе «Лучший учитель родного языка и родной литературы». Конкурс проходил в 2023 году в Карачаево-Черкесской республике.
«На учителей родных языков возложена очень важная и трудная задача — научить детей знать и любить язык своих предков, понимать красоту своей малой родины. Старожилы, носители нашего родного языка, уходят, и я понимаю, насколько нам важно успеть у них перенять обычаи и культуру. Я уверена, если будет сохранён язык, будут сохранены культура и народ», - говорит Лидия Сафонова.
Учитель корякского языка Хаилинской средней школы ЕвгенияНюрчани поделилась: «Настоящий учитель тот, кто способен спуститься с высот своих знаний до незнания ученика, и вместе с ним совершать восхождение. Мне нравиться работать в школе. Я не могу без детей, ведь дети самые чистые и открытые создания, у них светлые души, открытый взгляд на новые знания. Дети самые добрые люди на планете Земля!»
ТатьянаЗаева - учитель ительменского языка. Вот, что она писала: «Мне кажется, что учителем родного языка в своём селе сегодня быть очень ответственно. На тебя смотрят земляки, они интересуются твоими уроками, надеются, что ты «не сломаешься» от разных бытовых проблем и ситуаций. Понимаю: от того, как я научу детей основам родного языка сегодня, привью им любовь и уважение к культуре, языку и традициям предков, будет зависеть их дальнейшая судьба, а может и судьба ительменского народа завтра. Ведь, как известно, язык – душа народа, убери язык, как говорил К.Д. Ушинский, и народа не будет».
А мы всех учителей корякского, ительменского, эвенского, чукотского языков поздравляем с вашим профессиональным праздником! Вы помогаете детям беречь родные языки!
Спасибо Вам за знания,
Которые даёте,
За то, с каким старанием
Предмет преподаете,
За мудрость и терпение,
За ласку и заботу!
Пусть море вдохновения
Приносит вам работа!
Подготовила В’ачаӈа
